ముక్కోటి దేవుళ్లు, మూడు శాఖల వారు

కరోనా కమ్మింది చూపించక కరుణ
కరుణామృతాన తడిసే మనిషికేనా ఈ కరోనా
కరోనా మహమ్మారిని తరిమి మనం నిలిచేనా
నిలిచేనా మానవజాతి ఈ వైరస్తో పోరున

ఆకుకూరలు,ఆశీర్వాద్ కోసం తిరుగుతుంది మనం
మనమే సహరించకుంటే ఎందుకీ జన్మం
జన్మలో మంచి పనంటే ప్రభుత్వానికి సాయం 
సాయం అంటే నీ ఇల్లే నీ ప్రపంచం

నిస్సారమైన బ్రతుకుల్లో వెలుగు నింపే దీపం
దీపాన్ని వెలిగించి పూజించాల్సిన రూపం
రూపాంతరం చెంది మానవుడిగా వచ్చిన వైనం
వైనాన్ని సైతం వెక్కిరించిన జనం 
జనం కోసం త్యజించిన ప్రాణం
ప్రాణమున్నంత వరకు వైద్యులే మన దైవం

బట్ట మాసినా,నింద మోసినా మెరిసిపోతుంది ఖాకీ 
ఖాకీ బట్టలతో మురిసిపోతుంది లాఠీ 
లాఠీ ఎత్తకుండా చూసుకోవడం మన డ్యూటీ 
డ్యూటీ పేరుతో సేవ చేస్తుంది పోలీస్ ఆర్మీ

ఇంటింటికి తిరిగి చెత్త ఎత్తడం వారి ధర్మం 
ధర్మం కోసం ప్రాణం కూడా లెక్క చేయకపోవడం త్యాగం
త్యాగం చేసి రోడ్లన్నీ చేస్తున్నారు శుభ్రం 
శుభ్రంగా ఉండలేకపోవడం మన కర్మం
కర్మను కూడా మార్చగలగడం వారికే సాధ్యం 
సాధ్యమా పారిశుద్ధ్య కార్మికుల్లా పని చెయ్యడం

ముక్తపదగ్రస్తంతో మూడు శాఖల (పోలీస్,వైద్య,పారిశుద్ధ్య కార్మికులకు) వారికి శతకోటి అభివందనాలు తెలియజేస్తూ 

శ్వేతపుష్పం