మేలుకో కరోనాని ఎదురుకో.

ప్రభాత భానుడి మయూఖాలే సాక్ష్యం
నా అంతరంగతరంగాలే భాష్యం
ఎగసే రుధిర కెరటాలే సాక్ష్యం
ఇది కరోనాపై నా కవన కదనం

ఝంఝా మారుత సమీరాల్లా వ్యాపించింది
నలుదిశ కనుమలు దాటి విస్తరించింది
కరోనా హాహాకారాల ప్రతిధ్వనితో ప్రకంపించింది నేల
వైరస్, వాహినై ప్రవహిస్తుంది ఈ వేళ

కరచాలనమే తనకి ఆవాహనం
హస్త ప్రక్షాలనే దానికి ఔషధం   
నీ ద్వారం వెలుపలే దాని చలనం
పాదం కదలికే నీకు మరణం
స్వీయ నిర్బంధమే  క్షేమం
ఆచమనమే దానికి వైరం

ధైర్యపు వల్లకి తంత్రిని మీటి చూడు
ఆ స్వనముల అలజడే మహమ్మారికి భయం
నీ మనో నేత్ర గవాక్షం తెరచి చూడు
నీ గృహమే నీ రక్షణా వలయం

కరోనా కేకలు నీ కర్ణభేరిని తాకని చోటు నీ మనోస్తైర్యం
అది కొల్లగొట్టి నిన్ను చేరడం అసాధ్యం
మేలుకో కరోనాని ఎదురుకో...